Tíðindi
Lívið sum listafólk í Tjørnuvík
Listafólkabústaðurin hevur skjótt verið virkin í 5 ár. Tjørnuvík er tann bygdin har listafólk streyma til fyri at hugsavna seg um tað listarliga.
Fyrr í ár varð ein forkunnugur filmur gjørdur av hollendska filmslistamanninum Martijn Bastiaans, um hvussu tað er, at búgva í Listafólkabústaðnum í Tjørnuvík. Filmurin sæst her:
Í 2014 varð samstarvsavtala millum LISA og Sunda kommunu undirskrivað um at bjóða skúlan í Tjørnuvík sum listafólkabústað. Kommunan fegnast um, at samstarvið hevur eydnast so væl. Longu nú er skúlin bílagdur lagt inn í 2020.
Listafólkabústaðurin kann leigast føroyskum og útlendskum listafólki og listaligt virksemi, skapan, hugsavnan og líknandi í eina viku upp í tríggjar mánaðir.
Tá sókt verður um uppihald í listafólkabústaðnum, skal ein stutt lýsing av, hvat listafólkið ætlar sær við uppihaldinum, CV, tekstir, myndir og/ella annað viðkomandi tilfar sendast við umsóknini.
Umsóknin skal sendast til lisa@lisa.fo.