Tíðindi

  • Heðin Zachariasen og Helgi Abrahamsen | Mynd: Sunda kommuna

Landsstýrismaðurin vitjaði í Sundalagnum

08.11.2019

Hósdagin 7. november var landsstýrismaðurin í umhvørvis- og vinnumálum á vitjan í Sunda kommunu.

Borgarstjórin hevði boðið honum saman við embætisfólkum til kunnandi fund um tær avbjóðingar, kommunan hevur viðvíkjandi ferðavinnu í bygdunum Saksun, Tjørnuvík og Gjógv.

Umsitingin greiddi frá um gongdina higartil. Greitt var frá um átøk, sum kommunan hevur gjørt í bygdunum fyri at skipa ferðavinnuna betri. Tað er gjørt bæði fyri at skapa karmar fyri vinnuna og fyri at minka um amparnar, sum íbúgvarnir merkja av vaksandi ferðavinnuni. Kommunan ynskir, at landsmyndugleikarnir gera eina greiðari skipan fyri hvørji rættindi og skyldur ferðafólk og tey, sum varða av lendinum, hava, tá farið verður av alfaravegi og út í bø og haga.

Landsstýrismaðurin og kommunan eru samd um at avbjóðingarnar krevja politiska raðfesting. Landsstýrismaður greiddi frá, at arbeiðið er byrjað, men at hetta er eitt avbjóðandi mál at loysa, og at tað er umráðandi, at allir partar verða hoyrdir, áðrenn nakað verður sett í verk.

Seinastu tíðindi

03
jun
Roknskapu­rin fyri 2019
02
jun
Námsfrøð­ingar til Dagstovnin við Kráir
29
mai
Díggjvátur endaspurtur á útivikuni
28
mai
Hvalastøðin við Áir letur upp aftur í summar
27
mai
Bólkaleiðarar til ung í arbeiði
25
mai
Hugskot til lærugrei­nar í frítíðarundirvísingini
22
mai
Skráin fyri útivikuna 2020
22
mai
Ung í arbeiði 2020