Tíðindi

Mentanardagar 2020 verða í døgunum 10. til 19. september. Eins og undanfarin ár ynskja vit, at mentanardagarnir verða savnandi og at bjóða tiltøk runt um í allari kommununi.

Vit vilja tí bjóða øllum, sum hava hug og áræði, at koma við sínum ískoyti til mentanardagarnar. Øll hugskot eru vælkomin, einans hugflogið setur mørk.

Kommunan ger faldara í sambandi við mentanardagarnar, ið verður borin í hvørt hús í kommununi.

Eru tit áhugað í at koma við í skránna eru tit hjartaliga vælkomin at seta tykkum í samband við kommununa, í seinasta lagi 10.juli 2020.

Saman skapa vit nakrar spennandi mentanardagar.

Minnast tit hvussu stuttligt tað var í fjør? Myndir frá Mentanardøgunum 2019 síggjast her.