Tíðindi
Øll børn fáa pláss í Hvalvík
03.07.2020
Síðstu tíðina hevur dagstovnurin við Kráir í Hvalvík verið fullur av børnum, og enntá standa børn á bíðilista.
Trivnaðarnevndin hevur viðgjørt málið og samtykti býráðið á seinasta býráðsfundi, at frítíðarskúlin og elsti árgangur á dagstovninum við Kráir koma at vera í niðastu hædd í Hvalvíkar skúla frá august 2020. Hølini verða tillaga til tørvin hjá dagstovninum.
Avgerðin er tikin í samráð við leiðsluna í Hvalvíkar skúla og við tilmæli frá skúlastýrinum.
Kommunan fegnast um, at barnatalið í bygdunum er í vøkstri og við hesum vóna vit, at tørvurin er nøktaður í eina tíð fram.