Tíðindi

Tá flutt verður til eitt nýtt land, kann hetta hava við sær nógvar spurningar, ivamál og avbjóðingar av ymiskum slagi.

Fólkakirkjan hevur fyrr í ár sett integratiónsprest, Marjun Lómaklett, ið tilflytarar, avvarandi teirra og onnur kunnu seta seg í samband við til tess at fáa ráð og vegleiðing. Hon hevur nú gjørt ein faldara, sum kunnar tilflytarar um tær tænastur integratiónspresturin bjóðar. Marjun sigur, at fólk eru eisini sera vælkomin til bert at tosa við seg um øll viðurskifti og spurningar, ið leika á.

Jóannes Prestá, fíggjar- og fyrisitingarleiðari í Sunda kommunu, tók ímóti faldarunum. Faldarin liggur í móttøkuni á kommunuskrivstovuni og framyvir fáa allir útlendingar, ið melda flyting til kommununa eitt eintak við sær.

Meira kunning her